कोरोना बुखार

सर्दी, खाँसी संग होवय बुखार
मनखे के जिनगी म जीवलेवा वार
जाँच करालव जी तुरतेच जाके
बाढ़त हे कोरोना ह तीर तखार..

मनखे ले मनखे के दु गज के दूरी
मुँहू म लगाहु जी मास्क जरूरी
साबुन ले हाथ धोवाई ल करके
कर लेव उदिम झन होवय बीमारी

मनखे के भीड़ के बचालो तन ल
घर म बितावव जी दुखी-सुखी दिन ल
करव दुरिहा ले राम राम पाँव पैलगी
नई चिन्हे एहा अमीरी-गरीबी…

खुद के सुरक्षा अउ साफ सफाई
टीका लगाबो अउ लड़बो लड़ाई
हिम्मत ले मिल जुल के लइका सियान
विपदा ल हर लेबो बचाबो जी प्राण…

डरव झन हिम्मत ले सीध होथे कारज
सुम्मत ले चाटी ह चढ़ जाथे परबत
सुनता ले मिलजुल के अंतस ले
लड़
स्वस्थ होवय मनखे अउ खुशहाल छत्तीसगढ़….

Leave a Reply

Your email address will not be published. Required fields are marked *